02.12.2019

ТӨРТІНШІ "ӘЛЕМ БАРЫСЫ" АНЫҚТАЛДЫ

2 желтоқсан күні Алматы қаласы, «Балуан Шолақ» спорт сарайында ҚР Тұңғыш Президенті күніне орайластырылған ҚАЗАҚ КҮРЕСІНЕН АБСОЛЮТТІ "ӘЛЕМ БАРЫСЫ" ӘЛЕМ ЧЕМПИОНАТЫ өтті.
         Чемпионат Қазақстанның тарихи және мәдени мұрасын дамыту, шет елдерде қазақ күресін дамыту барысындағы ынтымақтастық пен өзара байланысын нығайту, қазақ күресін халықаралық деңгейде одан әрі жетілдіру, насихаттау және беделін көтеру, қазақ күресінен "Әлем Барысын" анықтау мақсатын жүзеге асырды.
         Чемпионатты Алматы қаласы әкімдігінің қолдауымен, ҚР Мәдениет және спорт министрлігінің Спорт және дене шынықтыру істері комитеті, ҚР қазақ күресі федерациясы және "Qazaqstan Barysy" қазақ күресін дамыту және қолдау қоры ұйымдастырды. Сонымен қатар, "Қазақтелеком" АҚ, "ORDA-INVEST" Корпорациясы және "Сәтті жұлдыз" АҚ демеушілік жасады.
         Әлемдік доданың ашылу салтанатында ҚР ақпарат және қоғамдық даму министрі, ҚР қазақ күресі федерациясының президенті Д.Абаев сөз сөйлеп, балуандарға сәттілік тіледі.
         Төртінші рет өткен бәсекеге 30 елден 33 балуан қатысты. "Әлем Барысы" атануға АҚШ, Австралия, Азербайджан, Бразилия, Греция, Грузия, Үндістан, Иран, Испания, Италия, Камерун, Конго, Корея, Куба, Қырғызстан, Литва, Моңғолия, Нидерланды, Пәкістан, Польша, Ресей, Словения,Тәжікстан, Түркіменстан, Түркия, Өзбекстан, Украйна, Эстония, Япония  секілді елдердің және Қазақстанның атақты балуандары қатысты.
         Бұл сында еліміздің намысын А.Нұғымаров (ШҚО), Р.Әбдіразақов (Алматы қаласы), М.Исағабылов (Қызылорда облысы), Н.Жарылғапов (Маңғыстау облысы) сынды балуандар қорғады.
         Боз кілемнің үстіндегі белдесулер өте тартысты өтті. Нәтижесінде
1 орын Бобиков Роман (Ресей) - 10 млн теңге және алтын белбеу;
2 орын Нұғымаров Айбек (Қазақстан) 6 млн теңге және күміс белбеу
3 орын Исағабылов Мақсат (Қазақстан) 3 млн теңге және қола белбеу
"Жеңіске деген жігері үшін" номинациясы Хисомуддинов Мухсин (Өзбекстан) -1 млн теңге
         Чемпионаттың ақпараттық серіктестері "Qazaqstan" РТРК, "Qazsport" телеарнасы болып табылады.
         Чемпионаттың ресми ақпараттық ресурсы www.qazaqstanbarysy.kz сайты, қосымша ақпараттар "Қазақстан Барысы" қазақ күресін дамыту қорының әлеуметтік желілердегі ресми өкілдіктерінен таратылады

"Qazaqstan Barysy" қазақ күресін дамыту және қолдау қорының баспасөз қызметі
Телефон: +7(7172) 249359, +77011376858, E-mail: kazbarysy7@mail.ru

Следите за нашими новостями:

 
 
 
 
 

Нас поддержали

 
 
 
 
 

© Фонд развития қазақ күресі “Қазақстан барысы” 2010-2019